Mülki müdafiə və əməyin mühafizəsi xidməti

  Mülki müdafiə şöbəsi kollecdə fövqəladə halların qarşısının alınması, onların nəticələrinin aradan qaldırılması və işçilərin həyat və sağlamlığının qorunması üzrə tədbirləri təşkil edən struktur bölmədir.

        Mülki müdafiə üzrə əsas vəzifələri bunlardır:

1. Fövqəladə hallarda hazırlığın təşkili

1. Təbii və texnogen hadisələrə hazırlıq;
2. Zəlzələ, yanğın, partlayış və digər təhlükələr zamanı fəaliyyət planlarının hazırlanması.

2. İşçilərin maarifləndirilməsi

1. Mülki müdafiə üzrə təlimlərin keçirilməsi;
2. İşçilərə fövqəladə hal zamanı davranış qaydalarının öyrədilməsi;
3. Təxliyyə qaydalarının izah edilməsi.

3. Təxliyyənin təşkili

1. Təxliyyə planının hazırlanması;
2. Təxliyyə yollarının və çıxışların müəyyən edilməsi;
3. İşçilərin təhlükəsiz əraziyə çıxarılmasının təşkili.

4. Fərdi mühafizə vasitələrinin təminatı

1. Mühafizə vasitələrinin uçotunun aparılması;
2. Onların saxlanılmasına və istifadəyə hazır vəziyyətdə olmasına nəzarət.

5. Fövqəladə hallar zamanı operativ fəaliyyət

1. Hadisə barədə rəhbərliyə məlumat verilməsi;
2. Müvafiq xidmətlərlə əlaqə yaradılması;
3. İnsanların xilas edilməsi və təhlükəli zonadan uzaqlaşdırılması tədbirlərində iştirak edilməsi.

6. Mülki müdafiə sənədlərinin hazırlanması

1. mülki müdafiə planı;
2. fövqəladə hallar üzrə fəaliyyət planları;
3. təxliyyə planları;
4. təlim və məşq planları;
5. işçilərin siyahıları və digər zəruri sənədlər.

 Əməyin mühafizəsi şöbəsi kollecdə işçilərin həyatının, sağlamlığının və əmək prosesinin təhlükəsizliyinin təmin edilməsinə nəzarət edən əsas struktur bölmələrindən biridir.

1. Əsas məqsədi

Əməyin mühafizəsi şöbəsinin əsas məqsədi iş yerlərində təhlükəsiz və sağlam əmək şəraiti yaratmaq, istehsalat xəsarətinin və peşə xəstəliklərinin qarşısını almaqdır.

2. Əsas vəzifələri

1. Kollecdə əməyin mühafizəsi qaydalarına riayət olunmasına nəzarət edir;
2. İş yerlərində təhlükəli və zərərli amilləri müəyyən edir;
3. İşçilərə əməyin mühafizəsi üzrə təlimatların keçirilməsini təşkil edir;
4. İş yerlərinin təhlükəsizlik vəziyyətinə mütəmadi baxış keçirir;
5. Əməyin mühafizəsi üzrə sənədlərin aparılmasına nəzarət edir;
6. Təhlükəsizlik qaydalarının pozulması hallarının aradan qaldırılmasını tələb edir;
7. İşçilərin təhlükəsiz əmək şəraiti ilə təmin olunmasına nəzarət edir.

3. Əməyin mühafizəsinin əsas istiqamətləri

1. əmək təhlükəsizliyi;
2. istehsalat sanitariyası;
3. yanğın təhlükəsizliyi;
4. elektrik təhlükəsizliyi;
5. işçilərin təlim və təlimatlandırılması;
6. peşə xəstəliklərinin qarşısının alınması;
7. iş yerlərinin təhlükəsizlik baxımından qiymətləndirilməsi.